立鮨 (黃埔天地) (已結業)

食過立鮨其他分店，性價比高又好食，所以今日係黃埔同朋友食lunch, 都係決定食返立鮨😝果然無令我失望，依然相當出色好味💓炸富山灣小白蝦，新鮮熱辣脆卜卜，雖然無叫酒飲，但送綠茶都好好正🤪白鱔串同牛舌芯，呢兩個串燒我次次都點黎食，兩串都燒得好好，白鱔外脆內軟，牛舌果種爽脆彈牙真係令我回味無窮😍佢哋壽司嘅飯本身都調左味，所以味道好夠，配埋啲新鮮刺身，真係唔使豉油Wasabi都好夠🤩芥辣八爪魚手卷，超值之選，紫菜又脆芥辣八爪魚份量又較多👍🏻大吞拿魚腩海苔壽司，啖啖肉，魚油豐富呀😎三文魚籽軍艦，師傅勁重手，三文魚籽多到滿瀉，一啖入口，魚籽係口中爆炸，真係好正😋香蔥三點盛合（碎蔥油甘魚他他軍艦/碎蔥三文魚他他軍艦/碎蔥吞拿魚腩軍艦），最後叫埋呢個，因為本人真係好鍾意食日本嘅香蔥，呢幾舊嘅刺身香蔥配搭，非常惹味新鮮，正呀😚極上壽司盛合（赤身/中吞拿魚腩/三文魚/珍寶赤蝦/火炙左口/魚邊/深海池魚/北海道帶子/海膽），豐富到不得之了😎基本上想食嘅壽司都齊晒🤓啱晒唔想煩嘅大家😳重點係樣樣都好鮮味，真係好似去咗日本食甘呀🫶🏻精選壽司盛合（赤身/三文魚/珍寶赤蝦/北海道帶子/北寄貝/鰻魚/日本真鯛/海膽）