文記海鮮飯店

营业中

休息中

朋友帶路，一齊去文記海鮮飯店食晚飯。先叫一個小炒王，炒起出嚟香噴噴熱辣辣，鹹肉好入味，啲菜炒得綠悠悠，色香味俱全，真係好夠鑊氣。朋友話嚟得呢度一定要叫個羊腩煲， 講真我唔係咁識得欣賞羊腩嘅，因為怕陣羊騷味，但係冇理由因為我而令到成班朋友冇得食， 所以於事都叫咗嚟食，我勉勉強強咁食咗件, 哈哈，我又接受到喎，羊肉勁入味之餘，仲一啲都唔騷，而且又淋又好趙口，食咗幾條支竹，嘩好味道呢，真係好味道，誇啦啦冇得彈。跟住整多碟生炒骨，鑊氣真係夠勁呀，肉夠脆口夠味又夠香，之但係就酸咗少少，不過算啦 都已經係好好味好夠水準。