尚上下夏 - 養生雞煲火鍋 (已結業)

早排經過山林道，見到呢間尚上下夏個店名好特別，入面仲好爆場，睇見外面啲相令人流哂口水。今日特登走來試下。店內裝修懷舊， 富有90年代港式大排檔風味，地方光猛乾淨，冷氣充足。小辣雞煲的調味不錯，雞件入味，雞煲內裏有大量豬皮、芫茜、洋蔥同芹菜，味道香濃又鮮甜，豬皮索埋啲辣雞汁好正。食完啲雞件同埋豬皮配菜，就要加湯底啦。呢到出名食藥膳雞煲，我地就要左個藥膳湯底，湯底充濃濃嘅藥材味，有少許甜但又唔會好苦澀。好想食多幾款唔GE牛，但又怕食唔哂，咁點算好呢?所以我地揀左牛魔王拼盤!牛魔王拼盤內有精選六款靚牛：靚牛皇，牛小排，牛柳粒，黑牛栢葉，牛白肉(即係牛胸），牛脷托當中的靚牛皇，牛小排，牛柳粒好重牛香味!比較特別的牛白肉，係接近牛胸骨的軟骨位，好少見!灼幾秒就食得，食落嗦嗦聲，口感極爽脆，有十分重的牛羶味!!!愛牛人仕必試。 另外的自家製即炸響鈴都是必點，因為佢唔係外來貨式，而係即叫即炸，熱辣辣，非常鬆脆。