漁初·魚丼 (已結業)

位於長沙灣營盤街天悅廣場地舖嘅「漁初·魚丼 」，食物有質素，而且選擇頗多。時令刺生、生蠔、壽司、手卷、串燒、小食、烏冬及冷/熱飯丼，都有供應。特別要試《自選魚生飯》，先選酢飯或沙律，然自選三款或以上魚生配料，想點配搭自己話曬事。另外仲可追加升級為定食，加配沙律、湯及前菜，只需$15。配料多達近40款，每款由$20、$30及至$50不等。我比較貪心，選了油甘魚腩、劍魚腩、赤貝一隻，海膽、赤海蝦和芥末八爪魚，尤其喜愛油甘魚腩及劍魚腩，魚腩肥美油脂甘香。此外，餐廳採用日本產米，酢飯特別有咬口及有飯香，客人更可以無限添加酢飯，包你食到飽飽，當然基本要一人一丼才可無限添加啦。吾想自選，亦可選擇特定魚生飯丼，亦有二十多款供選擇。價錢由$88至$288 不等，同樣可升級為定食。串燒亦都有驚喜，包括有肉類、海鮮類及蔬菜類，共有四十多款。雞、牛、羊、豬一應俱全。燒蠔、蟶子、大蝦等都有，非常全面。選了必食牛舌心、雞皮、雞軟骨及蒜心。個人尤其喜歡燒牛舌心，入口爽彈有牛甘香味。蒜心較少見所以試下，頗清甜冇根不錯。整體餐廳環境、食物都很不錯，其他例如北海道真蠔、鹿兒島和牛刺生等都好吸引，可以約埋朋友一齊再試。值