大家樂 (碧湖花園)

营业中

休息中

見到報紙上有買焗飯送汽水嘅優惠券，即刻剪低佢黎食先。午市黎到，唔算多人，好快揾到枱。但係焗飯賣哂，收銀話要等三十分鐘先焗好第二輪喎，無計啦，佢個焗豬真係好好食，耐啲都等。千呼萬喚終於出黎嘅皇牌焗豬扒飯，賣相好正，睇見到流口水。厚切豬扒有咬口就唔會韌，焗到啱啱好，飯炒底再加上焗出飯焦，好香口。蕃茄菠蘿鮮甜，紅汁亦唔錯，好好撈飯。友人食嘅焗海鮮飯，配料有魚柳，魷魚，蝦等，都幾豐富，飯同樣炒底，雖然話係白汁，但黃黃地又甜甜地，友人話可能加左南瓜喎。汽水要有可樂，大大杯又夠凍，啱哂夏天。