方叔叔重慶老火鍋 (渣甸中心) (已搬遷) 新店位置

平時好少食火鍋，今日路過銅鑼灣見到平日喺地鐵站宣傳廣告入面嘅方叔叔就上去試。一嚟服務員姐姐好熱情咁招呼我地。俾咗我同朋友一人一碗紅棗雪耳糖水。好清甜好味。之後因為朋友唔食辣，嗌咗豬骨湯底同番茄湯底。以為方叔叔只係麻辣火鍋比較掂，點知其他湯底都一樣得。湯底好濃郁，加埋啲竹笙索一索啲湯之後食簡直一流海鮮（尤其珊瑚蚌）都好甜好好味。服務員姐姐仲好好人咁主動問我地要唔要幫手落蝦滑。然後飲品意外地好大杯！飲唔晒😂總括嚟講係一次好好嘅體驗下次會再幫襯。