六両三 (已結業)

之前經過尖沙咀呢間台灣餐廳，見到排晒隊，今日特登早少少，12:00就去，唔使排隊就入得。滷水糖心蛋：蛋黃好creamy，有陣陣滷水味！燙青菜加滷肉汁：麻麻哋，滷肉唔夠多，底嗰啲菜冇乜味。滷肉飯：滷肉好香，有油香，送飯一流，分量剛剛好，唔會食到好膩！川味紅燒半筋半肉面：個面好q，軟硬適中，煮得啱啱好。湯好濃郁。牛肉好腍，好入味。牛筋充滿骨膠原。肉嘅份量算多。但係唔平。總括而言，cp值一般。想食建議早少少嚟排隊。