海街丼 (海光街) (已搬遷) 新店位置

喺鰂魚涌返工，要講到lunch想食好啲嘅話，絕對係揀海街丼。今次係第二次黎，喺門口等左一陣，諗緊試唔試新野好，都係決定直接揀返上次嘅海寶丼（上），因為唔食海膽所以冇必要食最貴果款，加上我超鐘意佢啲蟹肉。今次黎食都繼續keep到水準，除左一人一個丼飯之外，我地仲要左個冰凍嘅辣蕃茄。口感好特別，個蕃茄好爽脆，少少辣味仲同埋真係好凍😂 一試無妨但下次唔會特別去嗌黎食。有同事挑戰左非海鮮丼類，揀左吉列豬扒飯。只可以話呢度果然係魚生丼最出色。