金雞去骨海南雞專門店

营业中

休息中

本身好錐鍾此食海南雞，但好食既海南雞真係唔易搵，好多出名既都只係得個貴字，又未見得特別好食~~~入去時車上見到有海南雞飯，又好似幾OK喎，去左咁多次西貢，都唔知有間食海南雞飯既舖頭，不如就試吓啦~~~間舖喺食街入面，細細間，但感覺好有風味。好型，成間舖只係食四樣野，勁！我地叫左2個金雞去骨海南雞飯套餐，個套有個湯(當日係南瓜湯)，本身唔飲南瓜湯既我地都覺得好味，好home feel好正個雞望落去已經覺得好滑，一食果吓，嘩，雞胸都好滑，好香好鮮味。雖然，我本身唔太鍾意食雞皮(其實皮都唔太鍾意食)，但都覺得佢好爽滑。雞脾，簡直係升級版，真係正！下次突登搭車入嚟買隻返屋企加餸都好！