Patisserie Mon cher (已結業)

Mon Cher既堂島卷相信好多人都食過，但佢個栗子卷就相信唔係好多人試過！今日食完晏經過，其實成間舖都sell緊月餅，不過同事竟然見到栗子卷，就買咗一條返公司開心share做下午茶！栗子卷面頭一粒粒嘅栗子，應該係搽咗蜜糖的，味道都幾甜！栗子蓉口感幼滑，充滿住栗子獨有嘅香味,栗子控必定鍾意！Mon Cher嘅卷蛋當然唔會令人失望，口感濕潤，甜度適中；配埋中間軟滑嘅忌廉同咖啡味濃郁嘅咖啡凍，口感味道都非常豐富！一條切到六件，大家都食得好滿足！