河內大娘越南餐廳 (已結業)

原本約左朋友去鹿嗚春食午餐，點知佢裝修，唯有去附近睇下有咩食，近近地就揀左呢間食越南野。好耐無食撈檬，就點撈檬！香芧烤豬頸肉撈檬 $59 （包一杯熱飲）免加一豬頸肉好香又淋，好味喎！凍檬加埋d菜，菜既份量多，所以每啖檬粉都有菜既爽口感覺，加埋d酸酸甜甜既魚露，真係好開胃。成碗食哂，好似有d唔夠喉！價錢都ok,唔算貴！地方唔大，所以坐既位置比較迫。原本想同朋友吹下水，點知一食完，服務員個態度係有d似趕客走，其實都唔滿坐，但見佢咁既態度，都係走人！