翡翠拉麵小籠包 (已結業)

搬左黎荃灣之後，發現屋企附近真係好多野食😋今次同男朋友黎左荃灣廣場食小籠包😬餐廳感覺好光猛開揚，我地坐係窗邊，望住出面風景，感覺好舒服餐牌上有好多選擇...識食一定係食小籠包😋😋我地叫左一籠小籠包一咬落去好Juicy..好多肉汁，而且個皮好薄，食落去唔會覺得粉，誠意推介👍🏻👍🏻仲有就係我最愛的醉豬手😋😋酒味唔會太濃，好甜，豬手彈牙爽口，充滿骨膠原，係女士恩物呀😂同男朋友每人叫左個湯，分別係酸辣湯同埋清燉雞湯酸辣湯都幾足料，好開胃男朋友話清燉雞湯雞味好濃，幾好飲最後仲叫左個上海粗炒,味道比較淡，唔夠濃而且d面淋左少少☹️總括而言，整體味道唔錯，下次會再試下其他野😋