串得喜 (已結業)

今日就個朋友收工黎到土瓜環搵食。我地去左一間少少難搵嘅地道串燒店試下。店面乾乾淨淨，座位都好坐，餐牌清晰。雞煲、烤魚、涼拌、海鮮、蔬菜、肉女串燒、打邊爐料選擇都唔少，清楚分類。我地樣樣都點左D試吓。蒜香烤魚 — 都有辣度可以，表面鋪滿左芽菜同芫荽，非常吸引。魚肉好滑，魚骨大條岩晒我依D唔太識食魚嘅人。鍋裡面仲有少暑薯粉、薯仔、金針菇、洋蔥。串燒方面，我地叫左韮菜、羊肉、牛舌、雞中翼、雞軟骨。辣味都有得簡。串燒完全可以點多D！其中我地一致認同必點雞中翼同韮菜！雞中翼燒起熱辣辣，皮脆肉嫩，韮菜分量大性價比一流，最重要係調味好正宗，孜然粉真係串燒嘅靈魂。