古今二 (The ONE)

营业中

休息中

呢日經過尖沙咀 The One，發現原來有間古今二，餐牌入面勁多卷物及串燒，好啱我口味。平日嘅夜晚，餐廳差唔多坐滿，冇訂位嘅我地等咗大概五分鐘左右入座。蟹柳沙律（$78）- 賣相好醒神，入面有超多蟹柳及蟹子，仲有青瓜絲，份量十足。東京爆脆（$98）- 卷物入面有吞拿魚及蟹柳，配以沙律醬，少少辣，入口好惹味。大阪自家製炸雞（$78）- 炸雞熱辣辣，一份有六件，配上沙律醬，既好味又邪惡嘅選擇。鹽燒鯖魚（$82）- 鯖魚燒得好香，肉質鮮嫩，帶少少鹽味，健康之選。鹽燒雞中翼（$32）- 大部分人都難以抗拒嘅燒雞翼，確實真係燒得好香口，皮脆肉嫩，推介。