銘興山西刀削麵 (厚福街) (已結業)

今日收工路過尖沙咀見到新開左一間<銘興刀削麵>，附近餐廳又收晒工冇嘢好食，就急急腳走入去食飯。我就叫咗一個熱伴豬軟骨刀削麵，豬軟骨肉質住得好軟，一咬就咬開，仲要好入味，超級推薦。面質非常彈牙，撈埋啲口水汁同青瓜絲超好食。我朋友叫咗熱伴豬頸肉刀削麵，豬頸肉係新鮮炸出來，一咬啖啖肉汁泌晒出嚟。另外我哋叫咗一碟口水雞，由於我朋友唔食得太辣，所以就叫咗個小辣，啲雞肉軟滑美味。我哋仲叫咗麻辣豬大腸同埋春卷，麻辣豬大腸整得超淋，但味道有少少偏鹹，整體都唔錯。至於春卷，都係即叫即炸，所以上到枱都係脆卜卜。