樂源車仔麵 (已結業)

有日我同个女去西贡玩, 经过西贡旧墟, 发现有间车仔面, 系出面已经闻到好香架喇, 入到去里面都几干净。 佢地有个4𩠌餐, 包一个面底4款𩠌, 都系26蚊, 重有一杯五花茶送,我地叫左2碗面, 我果碗系蕃薯粉(好鬼好味架, 烟烟un un), 简左猪红/猪大肠/手打鱼饼/菜, 我加左佢地d 麻辣汁, 哗! 正到晕。我个女叫左油面 (又唔系好油立立wor), 简左司华力肠/冬姑/鱼蛋/萝卜, 佢加左d沙爹汁, d冬姑重好食过酒楼果d蚊冬姑, 真系估佢唔到。整体都食得好开心, 因为冇谂过会咁好味, 个汤底真系几香几浓味, 又唔劲味精。重有呀, 我冇要佢地杯五花茶, 加左4蚊饮左冻奶茶, 又再又另一个惊喜, 因为冇谂过佢地杯茶都几香几滑, 系可惜冇热奶茶, 只有冻啰。几好几好