影片
响旧墟行咗冇耐,突然闻到阵阵食物嘅香味,哈哈…讲出嚟真系笑死人,我哋两公婆一向为食,竟然跟住果阵飘埋嚟嘅香味,去揾间食店。呵呵…转个弯啫,就比我哋揾到。原来系车仔面㖞,唔理咁多喇,一于入去试下!除咗一般车仔面𩠌猪红、猪皮、萝卜之外,睇见贴响墙上嘅餐牌推介,有好多其他𩠌选择,而且卖相同香味,都严重地令到我想每样都试一试,搞到我都唔知拣咩𩠌好。因为老公钟意食牛,所以我就帮佢拣咗一碗以牛为主嘅净𩠌。包括有牛仔骨、牛腩、牛筋同萝卜。嘿嘿…而我就一口气拣咗猪手、阿都宝排骨、猪肠、猪红同埋冬菇,加一个净粗面另上,(我唔系孤寒呀,只系想留位食多几个𩠌嘛!)未讲啲嘢食好唔好味,先讲佢哋个车仔面汤底,因为好够味,所以净面都好好味道!另外,如果你哋系好似我老公钟意食辣嘅人,知道后一定会好开心,因为佢哋除咗有自己调味嘅沙嗲汁比客人拣之外,仲有一款秘制四川麻辣汁,香辣四射,味道一流。至于啲车仔面𩠌,可以讲系我试过咁多车仔面中最高水准嘅一间!先讲原汁牛腩,你点会估到可以响车仔面食到牛腩舖水准嘅牛腩?而猪手同埋猪肠炆得又腍又入味,真系好正呀!
继续阅读
有日我同个女去西贡玩, 经过西贡旧墟, 发现有间车仔面, 系出面已经闻到好香架喇, 入到去里面都几干净。 佢地有个4𩠌餐, 包一个面底4款𩠌, 都系26蚊, 重有一杯五花茶送,我地叫左2碗面, 我果碗系蕃薯粉(好鬼好味架, 烟烟un un), 简左猪红/猪大肠/手打鱼饼/菜, 我加左佢地d 麻辣汁, 哗! 正到晕。我个女叫左油面 (又唔系好油立立wor), 简左司华力肠/冬姑/鱼蛋/萝卜, 佢加左d沙爹汁, d冬姑重好食过酒楼果d蚊冬姑, 真系估佢唔到。整体都食得好开心, 因为冇谂过会咁好味, 个汤底真系几香几浓味, 又唔劲味精。重有呀, 我冇要佢地杯五花茶, 加左4蚊饮左冻奶茶, 又再又另一个惊喜, 因为冇谂过佢地杯茶都几香几滑, 系可惜冇热奶茶, 只有冻啰。几好几好
继续阅读
天黑之前入到来西贡,一心来利口福吃个炸髀作下午茶,可惜收得早.结果走到来西贡医局街的"乐源",吃个车仔面.$26有四款配菜,面底也是例牌幼,粗,油面等等,店内贴上食物排行榜,也是对我们未来过的食客一个指标.榜上有名的有猪红,猪大肠,牛腩,还有一味带有菲律宾风味的阿都宝骨.阿都宝骨味道酸酸甜甜,肉质有点点龈,但又几美味.牛腩软稔入味,萝卜则过稔,亦不够甜.猪大肠肥美而没有异味.猪红也够爽滑,汤底味道浓惹,吃车仔面的汤底也应如此.在西贡村屋内吃著车仔面,感受不到一点草根味,反而觉得有一种很悠闲的感觉.
继续阅读