稻八日式火鍋炸物放題 (已結業)

位於大埔既呢間稻八火鍋店，主打食火鍋放題，我地兩個一入店鋪店員詳細解釋餐牌既價錢選擇，我地揀左$208任食果種，店員仲問我地係咪所有肉類都食，唔食既可以唔落order，之後就帶我地入座，入面都好多位嫁。5:30pm既時段已經好多人等位。我地之後去左拎炸物，原來炸物可以自己沾漿之後自己揀食物同自己炸埋嫁，仲有教step點玩，真係有得玩又有得食，幾好玩嫁。炸蝦我至愛。除左炸物仲有一個位置可以拎菜，各種不同既丸類，菇等等俾客人選擇。同埋有小量甜品同雪糕選舉。火鍋一黎到個湯底竟然送左隻毛蟹都幾特別。冬蔭功湯底唔算太辣但都幾惹味，牛肉比較喜歡手切牛，一啖一口。哈哈。其他肉類都不錯，但個人比較喜歡牛肉。價錢合理飲品選擇都多，不過如果可以多幾款茶揀就好啦。走既時候仲可以拎張單去門口度拎多一杯雪糕。