Pickabowl (D2 Place ONE)

营业中

休息中

Pokebowl 本身因為色彩繽紛，配料多同埋味道配搭選擇多既關係，好快就成為左我既至愛。奈何Pokebowl既風潮未完全捲到黎香港，所以香港Pokebowl方面既餐廳就比較少選擇。但係有次行經 D2 Place 既時候竟然俾我意外發現到做Pokebowl 既 Pickabowl。諗都無諗就直接入去食。Pickabowl主打醬汁，配料完全自由選，如果係好似我既選擇困難症佢亦都有固定set 可以選擇。而我就order左最大份量既夏威夷四重奏，有三文魚/吞拿魚/蝦/牛油果/菜等等。我朋友就order了輕食既經典雙拼。大概5分鐘到就拎得個餐，不得不說，望到個餐既顏色就已經食指大動，醬汁方面比較偏淡，適合低鈉人士。而魚和菜本身都比較健康，我自己特別推薦辣味三文魚，三文魚本身既油溝返個辣味唔會攻鼻，反而幾夾。價錢方面唔過$100亦可接受。另外值得推介既係餐廳既水用多種唔同既蔬果浸泡，十分健康，飲落既話有種青瓜氣味，十分清新。