影片
更多
2020-02-13
293 浏览
紅館 #鰂魚涌位於巷仔入面，唔係好起眼，望落去係間小店，但係食物質素好好，環境乾淨明亮。而且當日感受到老闆同客人嘅關係好好，有好多熟客。重慶水煮雙拼🍲(嫩牛肉🐄、紐西蘭羊肉🐑)$158重慶水煮最重要都係個辣🌶，望落去雖然幾清澈，但點知入口既香又麻，好惹味🤩！而且牛肉同埋羊肉都好大塊，啖啖肉得來仲要好淋！特別係個紐西蘭羊肉，超香羊羶，好正！入面仲有少少芽菜、木耳，全部都熟曬個辣湯底，啱晒我呢啲鍾意食辣嘅人。味道: 4.3/5性價比: 4.1/5半隻四川椒麻雞🍗$98完全冇諗過半隻🐓都咁大！仲要嗰賣相超驚人，鋪上咗海量嘅蔥花，配上椒麻油，每一啖都好麻，好刺激，完全做到麻而不辣嘅效果！仲要啲雞都好滑，真心抵食。味道: 4.2/5性價比: 4.3/5涼拌木耳🥙$32相比之下呢個冇咁特別，酸酸辣辣咁，但係辣味冇前嗰兩個咁突出。不過都欣賞佢嘅木耳真係好多同好大塊，同平時一般見到扇狀嘅木耳唔同，更為爽口。味道: 3.8/5性價比: 4/5另外佢哋仲有得賣自家製嘅辣醬，一打開有幾條辣椒，入面用咗好多唔同嘅香料，有啲脆口仲鹹鹹地好香。真係估唔到呢一間咁隱蔽重慶四川菜餐廳都真係幾好食，味道又唔錯，值得大家
位於巷仔入面，唔係好起眼，望落去係間小店，但係食物質素好好，環境乾淨明亮。而且當日感受到老闆同客人嘅關係好好，有好多熟客。
重慶水煮雙拼🍲(嫩牛肉🐄、紐西蘭羊肉🐑)$158
重慶水煮最重要都係個辣🌶，望落去雖然幾清澈，但點知入口既香又麻，好惹味🤩！而且牛肉同埋羊肉都好大塊，啖啖肉得來仲要好淋！特別係個紐西蘭羊肉，超香羊羶，好正！入面仲有少少芽菜、木耳，全部都熟曬個辣湯底，啱晒我呢啲鍾意食辣嘅人。
味道: 4.3/5
性價比: 4.1/5
半隻四川椒麻雞🍗$98
完全冇諗過半隻🐓都咁大！仲要嗰賣相超驚人，鋪上咗海量嘅蔥花，配上椒麻油，每一啖都好麻，好刺激，完全做到麻而不辣嘅效果！仲要啲雞都好滑，真心抵食。
味道: 4.2/5
性價比: 4.3/5
涼拌木耳🥙$32
相比之下呢個冇咁特別，酸酸辣辣咁，但係辣味冇前嗰兩個咁突出。不過都欣賞佢嘅木耳真係好多同好大塊，同平時一般見到扇狀嘅木耳唔同，更為爽口。
味道: 3.8/5
性價比: 4/5
另外佢哋仲有得賣自家製嘅辣醬，一打開有幾條辣椒，入面用咗好多唔同嘅香料，有啲脆口仲鹹鹹地好香。
真係估唔到呢一間咁隱蔽重慶四川菜餐廳都真係幾好食，味道又唔錯，值得大家一試。
张贴