影片
更多
2016-07-12
797 浏览
上星期入我朋友屋企睇歐洲國家盃決賽，難得入屯門梗係要搵D好嘢食，有位朋友介紹我一間又平又好食既大排檔，最鍾意地道風味的大排檔，成十三個老友去惹味嘅大排檔大吃大喝。因為其中一個朋友生日，定位嗰陣時仲訂左一隻細燒乳豬。個冬菇亭大牌檔出面就可以泊到車，夥計話約抄牌就會通知我地。唔使錢拍車，正！！雖然間野起工廠區附近，但大排檔裏面應該有三十幾圍，都坐左七八成人。大排檔有兩部份，出面冇冷氣，裏面都有冷氣。有冷氣室內嘅位置都幾大乾淨企理，裝修仲唔錯添，今時今日嘅大排擋真係唔同晒。黎到大排檔，首先要啤一啤啦。間大排檔應該出名係食九層海鮮塔，但因為有兩個老友前兩日先食完火鍋，所以我哋決定叫小菜。間大排檔應該做好多熟客生意，啲員工個個都好nice好有禮貌。我吔叫左老細比意見叫左成十個餸，除咗之前訂嗰隻燒乳豬，我地點左芝士龍蝦伊麵、避風塘椒鹽瀬尿蝦、椒絲腐乳通菜、招牌小炒王、魚香茄子煲、金銀香蒜蒸茄子、八珍豆腐煲、燒汁雜菌，等等。隻燒乳豬好好味，外脆內軟，一啲都唔肥又唔會太咸，肉質超厚，超有肉汁， 好食! 芝士龍蝦伊麵都唔錯，龍蝦肉質大大膠亦好滑，個芝士味好濃。避風塘椒鹽瀬尿蝦好鬼大隻，大量炸蒜粒，勁惹味
個冬菇亭大牌檔出面就可以泊到車，夥計話約抄牌就會通知我地。唔使錢拍車，正！！雖然間野起工廠區附近，但大排檔裏面應該有三十幾圍，都坐左七八成人。
大排檔有兩部份，出面冇冷氣，裏面都有冷氣。有冷氣室內嘅位置都幾大乾淨企理，裝修仲唔錯添，今時今日嘅大排擋真係唔同晒。
黎到大排檔，首先要啤一啤啦。間大排檔應該出名係食九層海鮮塔，但因為有兩個老友前兩日先食完火鍋，所以我哋決定叫小菜。間大排檔應該做好多熟客生意，啲員工個個都好nice好有禮貌。我吔叫左老細比意見叫左成十個餸，除咗之前訂嗰隻燒乳豬，我地點左芝士龍蝦伊麵、避風塘椒鹽瀬尿蝦、椒絲腐乳通菜、招牌小炒王、魚香茄子煲、金銀香蒜蒸茄子、八珍豆腐煲、燒汁雜菌，等等。
隻燒乳豬好好味，外脆內軟，一啲都唔肥又唔會太咸，肉質超厚，超有肉汁， 好食!
芝士龍蝦伊麵都唔錯，龍蝦肉質大大膠亦好滑，個芝士味好濃。
避風塘椒鹽瀬尿蝦好鬼大隻，大量炸蒜粒，勁惹味，大排檔炒避風塘嘅椒鹽真係特別出色。我自己食開辣野，如果辣多少少就更好。
再值得一讚嘅就係招牌小炒王，佢加左啲蝦乾，同韭菜絕配，味道夠送飯一流。最難得嘅係佢一啲都唔油，上佳作品。
嘆啲小菜嘅時候，當然要飲啤酒，有咁好味嘅小菜，啲冰凍啤酒都特別好飲。其他嗰幾個小菜都ok，所有野都炒得好夠火候，最重要嘅係好小大排檔好味得來但又唔油膩，食材有質素，廚房師傅嘅手勢一流。好嘢!! 唔怪得主場嘅friend話要黎食。去大排檔食飯同去酒樓真係唔同，係有一種特別嘅風味，人情味，食物水準高，可以豪情暢飲，好正！
食完之後上openrice想睇吓其他人對佢嘅comment，點知發現之前未有人comment過。我即刻忍唔住打咗呢段comment，終於比我做到第一個。
避風塘椒鹽賴尿蝦
209 浏览
0 赞好
0 留言
避風塘椒鹽賴尿蝦
209 浏览
0 赞好
0 留言
张贴
