元気寿司 (已搬遷) 新店位置

為咗食好耐冇食嘅元氣今日專登去咗德福商場，因為提前喺元氣個app度攞咗飛，所以冇話等好耐就可以入座，店入面係滿人嘅，可能係因為正值午餐時段，相信如果冇提早攞飛應該要等好耐。食咗好多壽司同埋唔少熱食，其中值得一提嘅係個芝士鰻魚卷，甜甜嘅鰻魚配搭濃濃嘅芝士簡直係絕配，不過要小心鰻魚可能會有魚骨；炙燒皇帝蟹柳都唔錯，個蟹柳好多汁，甜甜地，配搭個酸酸地嘅沙律醬真係好正。佢個三文魚餃都唔錯，只係肉少咗d，不過好似日式料理店賣嘅三文魚一向都少肉，始終都係自己煮抵啲。