影片
更多
2016-10-31
315 浏览
上星期有住係新界嘅朋友叫我入元朗食飯， 心諗：「喂！ 我住銅鑼灣呀！ 入元朗食餐飯？會唔會遠左啲呀！」 但原來呢間餐廳位置好方便， 朗屏火車站一出行過天橋就到， 仲有巴士就銅鑼灣直到！ 附近大部分都係中式或亞洲食品嘅餐廳， 好好奇點解老闆會有勇氣搞西餐呢？ 不過， 食完呢餐之後就明白了！ 雖然係試業中， 但都有好多選擇！ 今晚我地試左必食嘅德國豬手，老闆推介嘅蟹黃蟹肉意粉， 佢地自家製嘅鮑魚醬意粉另外仲叫左紐西蘭牛柳同豬扒。 全部都好有驚喜！ 首先係餐湯， 餐湯來來去去都係紅湯白湯嘅選擇， 但上菜時發現佢地用料十足， 羅宋湯入面見到一塊塊牛肉粒， 唔似一般餐湯只見到2條菜同幾絲肉絲。 至於白湯都一樣唔馬虎， 係自製嘅周打魚湯。話明必食推介， 個豬手一定唔會失禮， 一切開就感受到外脆內軟， 啲肉唔會好乾， 我雖然怕食豬，但都食到停唔到口啦。 同豬扒一樣冇個陣豬騷味！ 👍🏼最驚喜就係餐廳老闆話比我地個個鮑魚醬係佢地自家製， 佢地用左刺身質素嘅飽魚製成， 鮮甜濃郁， 一試難忘！ 有機會一定要試下啦！ 佢地除左意粉出色， 扒類都做得唔錯， 熟成度控制得好好！ 最重要係價錢都控制得好好， 哈哈！
附近大部分都係中式或亞洲食品嘅餐廳， 好好奇點解老闆會有勇氣搞西餐呢？
不過， 食完呢餐之後就明白了！ 雖然係試業中， 但都有好多選擇！ 今晚我地試左必食嘅德國豬手，老闆推介嘅蟹黃蟹肉意粉， 佢地自家製嘅鮑魚醬意粉另外仲叫左紐西蘭牛柳同豬扒。 全部都好有驚喜！ 首先係餐湯， 餐湯來來去去都係紅湯白湯嘅選擇， 但上菜時發現佢地用料十足， 羅宋湯入面見到一塊塊牛肉粒， 唔似一般餐湯只見到2條菜同幾絲肉絲。 至於白湯都一樣唔馬虎， 係自製嘅周打魚湯。
話明必食推介， 個豬手一定唔會失禮， 一切開就感受到外脆內軟， 啲肉唔會好乾， 我雖然怕食豬，但都食到停唔到口啦。 同豬扒一樣冇個陣豬騷味！ 👍🏼
最驚喜就係餐廳老闆話比我地個個鮑魚醬係佢地自家製， 佢地用左刺身質素嘅飽魚製成， 鮮甜濃郁， 一試難忘！ 有機會一定要試下啦！
佢地除左意粉出色， 扒類都做得唔錯， 熟成度控制得好好！ 最重要係價錢都控制得好好， 哈哈！ 平時食一份豬手起碼二百幾蚊， 佢地只係做緊$1xx, 仲有餐湯同餐飲！
下次入元朗會再試下佢地其他嘅菜色啦！
P.S 老闆可以考慮開分店時搵啲保暖能力高啲嘅碗碟，咁就更好了！ 塊牛排放左一陣就涼左， 味道失左真！ 但仍然好味！
张贴