八木橋日式燒肉

营业中

休息中

好友生日想食燒肉，上網睇咗幾間，最後揀咗呢間好多人推薦嘅八木橋日式燒肉店，位於旺角，鄰近地鐵站夠哂方便～餐廳環境都幾大，樓底高，寬敞明亮，一路食仲有得聽日文歌，好有特色～自助飲品有汽水、紙包茶、清心棧系列、楊協成系列，選擇黎講都真係幾多，迎合唔同人。好友發辦揀霞套餐，肉類、海鮮等都好新鮮，優質！推介韓風瓷壺醬油牛肋肉，濃郁牛味，口感軟嫩帶豐富油脂；牛舌鮮脆多汁，風味絕佳。估唔到呢度有我最鍾意嘅中華沙律，酸甜爽口又開胃、海蜇滑嫩爽脆好有咬口、涼拌青瓜酸辣香脆，作為前菜一流～甜品推介泡芙，外酥內軟，內餡係滿滿忌廉；和菓子口感柔軟細膩，甜度剛好；朱古力蛋糕濕潤濃郁。