小嵐山 (已結業)

去左樂富搵朋友食飯，見到有間日本野裝修得幾靚，又乾淨企理，重要價錢吾貴就試下。可能新開，所以唔算太多人，一開始都幾驚伏，點知食落又幾好！叫左個法國生蠔刺身拼盤，入面有生蠔，三文魚，蝦刺身，翡翠螺，好新鮮,擺盤又靚好呃like,我同朋友都中意食海膽就叫左半板，好甜又creamy ，係d紫菜份量少左d。之後又叫左軟殼蟹天婦羅，平時好怕d炸粉厚，但呢間又唔會，而且唔油，唔會成陣油益味，都好大份！最後簡左個主食，紐西蘭肉眼扒意式辣肉腸薯菜，要左黑椒汁，呢個菜就不過不失，可能佢主打係日本野，不過就份量大，cp值高，點都好食過大家樂美心果d！總括黎講，值得回頭！屋邨小店都好值得支持，走果時店員話之後領匯商場裝修，有機會圍板，但佢地會照常營業。