影片
更多
2021-05-03
91 浏览
約咗朋友食午餐，於是搵下有冇啲新嘅餐廳。 隨意搵，就誤打誤撞book咗呢一間。 點知好有驚喜，值得推介。 上網預約有8折。麵包熱辣辣上， 有兩款麵包， 可以免費再添加。牛角包好脆，好好食。 再添加時先記得影相，所以只影了牛角包。1st course 可以揀頭盤或者湯呢個湯好濃味，好香牛肉味。 但係個份量就真係好少好少。呢個係刺身沙律，啲刺身好新鮮, 個柚子汁好清新，好配油甘刺身。 呢個starter嘅賣相真係好靚，一上嚟已經好吸睛，给我哋一個愉快嘅開始。拌菜分開上，好精緻。 有牛蒡，芝士焗薯仔同青瓜絲。 三個都好食，全部食晒。我同朋友都係選擇咗牛扒，不過就唔同部位。呢個係西冷。 好淋， 唔韌，好香牛肉味。 佢嘅生熟程度控制得好好。我揀咗七成熟，佢真的做到唔會太生又唔會太熟， 剛剛好。 呢個唔係standard lunch set嘅main course，係chef special of the day. 嗰份量比較大，好夠。呢個係封門柳，分量比較少。但係牛肉味係再香啲，再濃啲。 同樣地好淋，生熟程度亦都剛剛好最後我哋亦都加咗甜品，個甜品令我哋覺得好surprise，因為個presen
麵包熱辣辣上， 有兩款麵包， 可以免費再添加。牛角包好脆，好好食。 再添加時先記得影相，所以只影了牛角包。
1st course 可以揀頭盤或者湯
呢個湯好濃味，好香牛肉味。 但係個份量就真係好少好少。
呢個係刺身沙律，啲刺身好新鮮, 個柚子汁好清新，好配油甘刺身。 呢個starter嘅賣相真係好靚，一上嚟已經好吸睛，给我哋一個愉快嘅開始。
拌菜分開上，好精緻。 有牛蒡，芝士焗薯仔同青瓜絲。 三個都好食，全部食晒。
我同朋友都係選擇咗牛扒，不過就唔同部位。
呢個係西冷。 好淋， 唔韌，好香牛肉味。 佢嘅生熟程度控制得好好。我揀咗七成熟，佢真的做到唔會太生又唔會太熟， 剛剛好。 呢個唔係standard lunch set嘅main course，係chef special of the day. 嗰份量比較大，好夠。
呢個係封門柳，分量比較少。但係牛肉味係再香啲，再濃啲。 同樣地好淋，生熟程度亦都剛剛好
最後我哋亦都加咗甜品，個甜品令我哋覺得好surprise，因為個presentation真係好靚，而味道好有層次感，好特別，好值得加。
呢個係柚子奇異果 mousse cake
呢個係chocolate cake
最後係餐飲，都係揀咗cappuccino。不過就一凍一熱。
個人認為hot cappuccino wins.....無論賣相定係個味道都係熱嗰杯完勝。 有好多好多泡泡
整體嚟講，食物好精緻，賣相好靚，味道亦都好好。唯讀份量就可能有點小， 但對女生嚟講，就應該都好夠喇。 但要提一點，上菜好慢下，好有fine dining嘅節奏。 趕時間或者心急嘅人可能會覺得好慢好慢。
张贴
