Ikigai Concepts (已結業)

難得放一個長假期決定約朋友在聚一聚，大家都喜愛食日本菜，所以一致決定要去試新餐廳。荃灣呢間新餐廳環境一流，風格好特別，連菜式都好新穎。今次同朋友試咗炭燒澳洲m4和牛扒，特上刺身盛同稻庭烏冬。牛扒係現場用炭火燒，同出面餐廳既做法好唔一樣，用炭火燒嘅牛扒食落特別香，肉質好嫩，配鹽已經好好食。刺身好新鮮，師傅切得好厚身，刺身好有魚味，同係日本食既一樣。特別係帶子，入口即溶。稻庭烏冬睇落好普通，不過湯底味道好有層次，烏冬都非常之彈牙。好值得再食嘅餐廳👍