hEat (已結業)

QRE Plaza咁多好嘢食，見呢間都幾多好評，就同同事去燭光午餐🕯糧尾女子我要2 courses就夠喇，前菜點咗餐湯～呢個南瓜湯好正好濃南瓜味！再加埋上面浸住塊蒜蓉包，好味到我同同事A一路飲一路讚個餐湯咁掂，我哋就更加期待主菜嘅來臨啦同事B就點咗沙律🥗裡面有啲合桃同芝士，佢話都唔錯，食到一條菜都冇剩侍應見我哋食到咁上下，先會上主菜。首先出場嘅係我點嘅catch of the day:會唔會少咗啲呢😂？侍應話隻蛋係來自鹿兒島嘅，鹿兒島咩味我就食唔出喇，不過就食到中間有好大粒鹽，起初以為自己咬到蛋殼..個蛋黃係溏心蛋咁，都幾好食嘅。香菜汁本來就好百搭，所以同嚿魚都夾，但以呢個價錢嚟講，唔夠食之餘味道亦唔驚艷。同事A嘅鴨飯，佢話賣相幾好但食落普通，不過起碼有飯落肚，佢係我哋3個女仔入面唯一一個食得飽嘅。同事C點咗最貴嘅牛扒，實物如圖，得3小塊牛扒，呀C嘅食後感係一隻字：好韌。整體嚟講，前菜、環境同服務都幾好，但竟然係衰曬喺主菜度😂而且午餐分量真係太少，食完之後個肚同個銀包都有點空虛。