焱丸水產 (已結業)

一家人去食團年飯，唔想下下都食中菜所以去左焱丸水產，有熟野又有生野，岩哂不同年齡階層既我地。去到餐廳門口，安排我地一行六人座門口位，同行老人家表示出入十分之方便。☺️餐廳裏面雖然有爐燒嘢食，但通風效果幾好，食完之後都唔會有燒烤味留係頭髮衣物。入面嘅裝潢同日本同類餐廳可以講係十分相似，係入面用餐仿似置身係日本的餐廳，氣氛彼佳。甲羅燒店員會幫客人燒埋，燒完勁香！喺日本食係冇加蛋的，侍應話加蛋係師傅自己的改良版，口感會比較滑，如果覺得好膩可以加青瓜絲。我地仲叫左黑松露味試下，又幾夾幾好味。特上壽司盛合焱丸號 海膽，三文魚子，香蔥吞拿魚，蟹肉，一次過滿足晒幾個願望。生海膽好新鮮，個個都搶住黎食，勁快一掃而空。北海海鮮丼份量偏少，不過魚生好新鮮。清酒煮白蛤鍋白蛤鮮甜新鮮，酒味濃。清酒湯底飲到有蛤的鮮甜味。日式甜醬牛肉鍋牛肉幾林，我地追加左個烏冬，索晒甜豉油好好味。海老天婦羅炸粉唔厚，外脆內軟。炸牡蠣吉列本人唔係咁鐘意食熟蠔但我都覺得好好味，炸得剛好唔太油膩。銀鱈魚西京燒煎得香滑，唔會食到成口油。梅乾highballwhiskey味唔算好濃，幾好味。