黑門水產すいさん (棉登徑)

呢間位於尖沙咀嘅日式餐廳好有日本風味， 連個舖頭名， 都充滿著濃厚嘅日本風味，餐廳嘅裝修，每一個角落都係同日本風情有關， 感覺好似去咗日本一樣。我叫咗杯巨峰提子梳打， 好香濃嘅提子味，加上有氣嘅梳打水，好好味。呢杯名為愛琴海嘅特飲，係一杯茶加其他飲品調製而成， 味道都好好，值得一試。炸蝦明太子壽司， 分量好多， 蝦炸得好鬆脆，配上明太子，口感一流， 值得一讚。海鮮鍋, 佢哋會燒熱咗, 再送上黎， 呢個鍋有蝦，有生蠔 等等用料新鮮豐富。呢個係蟹膏配餅， 蟹膏好香濃 ，好新鮮，佢哋亦都會燒熟咗再送上嚟， 我最鍾意食呢個。魚子醬明太子蝦海膽多士，呢個賣相唔止靚， 仲好好食，多士鬆脆 ，海膽新鮮甜美，明太子又好大粒。呢個極盛刺身， 都好新鮮，帶子好爽脆， 三文魚好新鮮， 海膽又好香， 吞拿魚同八爪魚都好滑同爽口， 食得出全部都係新鮮甜美，值得推介。燒帶子， 都好好食， 帶子都好大粒，燒得好好食。