士林·便丼達人 (帝城大廈) (已結業)

因為疫情緣故，已有接近兩年冇去旅行了。呢日嚟到港島區遊玩，差唔多到飯點嘅時間，經過一間叫做「士林。便當達人」嘅小店，諗起都好耐冇去台灣，回想起士林夜市嘅熱鬧以及當地嘅美食。於是就入咗去睇吓有咩正嘢食啦！呢間小店位於謝斐道313號，界乎灣仔與銅鑼灣之間，屬於比較幽靜嘅路段，人流唔算十分多。但係當時已有頗多食客及外送員在等候外賣，似乎小店相當受歡迎喎！我地急不及待點咗啲台北地道小食，如鹽酥雞、花枝丸等，另外點咗兩套客飯，可加錢換樽仔奶茶，如唔加錢就會送罐裝汽水。由於我倆都不好汽水及凍飲，所以就退回給店家，無謂浪費丫嘛。小店聲稱所有食物都係即叫即整，我地等咗大約10分鐘左右，熱辣辣嘅外賣攞得了！太期待啦！我地拎住袋外賣行到灣仔海濱公園享用，打開食物盒，裡面的食物仍保持熱度，而且盒子裡有氣孔，以防倒汗水令炸物變質。鹽酥雞（輕量版）好大份，外皮炸得香口，內裡肉質嫰滑，好！花枝丸有椒鹽味，好味！另外，不得不提嘅係飯後甜品—甘薯紫芋餅。大約一個鐘頭後，我地食曬啲小食同客飯啦，當我地以為兩塊甘薯紫芋餅已經變腍咗，點知食落口仍然係好香脆，而且冇鯨到油，非常！總括而言，呢次係一次唔錯嘅用餐體驗，希望大家多