影片
更多
2010-01-23
70 浏览
係樓下唸緊緊食咩之際，店員努力地推介沃川，甘就上樓試下啦！舖面細小，有設最低消費的 private room，坐得有點逼。每樣食物既份量細小，可以叫多幾款，樣樣都試下。枝豆前菜 (每人$10)：一坐底就攞黎，以為唔使錢 tim ……海膽壽司 ($100/ 一客四件)：海膽新鮮甜美，好正！食完忍唔住order多一客。牡丹蝦壽司 ($65)蝦肉新鮮彈牙；蝦頭肉連蝦膏也用埋做壽司，口感 “一pat pat”張住個口。另外，帶子壽司 ($40)和三文魚壽司 ($20)都鮮味。蟹籽沙律 ($35)：一般般，總是覺得蟹柳腥腥地。串燒牛柳 ($20)：牛柳肉嫩 juicy，估唔到會甘好味。芝士雞肉棒 ($28)：好似食 M 記漢堡包塊扒既味道，都幾好味。燒銀雪魚 ($78)：魚肉嫩滑，燒汁亦唔會太甜。牛油炒雜菌 ($38)：雜菌炒得爽滑，撈埋芽菜食好爽口。花之舞 sake ($190)：酒味清新易入口。呢間小店既味道令我喜出望外，最正係壽司飯有咬口，好味到好似去日本食既壽司飯甘。一定要 encore！
舖面細小，有設最低消費的 private room，坐得有點逼。
每樣食物既份量細小，可以叫多幾款，樣樣都試下。
枝豆前菜 (每人$10)：一坐底就攞黎，以為唔使錢 tim ……
海膽壽司 ($100/ 一客四件)：海膽新鮮甜美，好正！食完忍唔住order多一客。
牡丹蝦壽司 ($65)蝦肉新鮮彈牙；蝦頭肉連蝦膏也用埋做壽司，口感 “一pat pat”張住個口。另外，帶子壽司 ($40)和三文魚壽司 ($20)都鮮味。
蟹籽沙律 ($35)：一般般，總是覺得蟹柳腥腥地。
串燒牛柳 ($20)：牛柳肉嫩 juicy，估唔到會甘好味。
芝士雞肉棒 ($28)：好似食 M 記漢堡包塊扒既味道，都幾好味。
燒銀雪魚 ($78)：魚肉嫩滑，燒汁亦唔會太甜。
牛油炒雜菌 ($38)：雜菌炒得爽滑，撈埋芽菜食好爽口。
花之舞 sake ($190)：酒味清新易入口。
呢間小店既味道令我喜出望外，最正係壽司飯有咬口，好味到好似去日本食既壽司飯甘。一定要 encore！
张贴
