王牌冰室 (南豐紗廠) (已結業)

是日繼續係南豐紗廠開工，行左上三樓食呢間王牌冰室，因為呢邊附近無咩餐廳，呢幾日日日都落雨又熱，又唔想行咁遠，唯有係南豐紗廠入面搵野食。12點去到已經坐滿哂要等位，好彩都唔算等得耐，等左一陣就有位。食晏時間太多人，要搭枱同堆啲侍應都好忙，等左一陣先有人黎落單。之前食過一次呢間既咖喱飯，無驚喜，唔算難食但好一般。今次試佢個白汁芝士海鮮焗飯，繼續都係無特別無驚喜，汁好少，味道一般，海鮮唔算多。五十幾蚊黎講，佢個份量係夠既，都大份既，但味道就差咁啲。