5越越南餐廳 (已結業)

話說有日要去ikea買傢俬，就順便去埋荃灣食飯，因為係求其食嘅關係，咁就喺中染大廈是但揀間餐廳嚟食，漫無目的咁入咗去依間5越越南餐廳。去到門口，諗住有人帶位，等咗成分鐘都冇人理我，咪同友人自己掃針卡入去坐低囉。餐牌有嘅食物都係般做越南菜嘅餐廳有嘅嘢啦。我朋友就揀咗生牛河，我就揀咗炒金邊粉。朋友碗生牛河就上先嘅，咁賣相就正常啦，牛肉份量比較少同質素都麻麻哋，朋友就個湯好重味精唔太好食。我個炒金邊粉就係等咗20分鐘先上枱，ok 啦，夠熱，我冇其他comments😂。