里喝! (已結業)

聽講元朗開左間賣飲品既舖頭，係新加坡既過江龍，好想去試吵！但係元朗實在太遠啦，就算杯飲品有黃金都吸引唔到我入元朗。咁啱朋友話想去南生圍踩單車，咁就啱啦，我直入元朗你老豆疊羅漢，去完南生圍踩單車就去試下佢既飲品啦。到啦！可能因為已經到左晚飯時間，唔見有人排隊買野飲，上網睇啲人好似推介芝士，咁我就要一杯芝士觀音啦。係好厚既芝士奶蓋呀！大大啖咁飲左幾啖都未飲到茶，奶蓋有好重既芝士味，好香，不過奶蓋本身係甜奶蓋，我自己鐘意飲咸奶蓋多啲。奶蓋唔錯，但茶就一般，只飲到甜味，飲唔到茶味。