MORE YOGURT

营业中

休息中

茉酸奶由大陸過江開到香港已經有一段時間，但因為價錢進取，所以小編一直都未有嘗試。今次藉住路過太古嘅機會就試吓啦。今次小編試嘅產品係牛油果乳酪奶昔(HK$46)。單睇產品名，就知道可以分為三個元素去評價。1. 牛油果飲物上鋪咗小半個牛油果，都算係足料。飲落有明顯嘅牛油果味，但未講得上算好濃郁。有少少行貨。2. 乳酪乳酪味係非常非常之淡，所以都令人幾失望。由其是品牌名強調「酸奶」二字，但產品連點題都做不到，實在有點諷刺。小編本身係抱住飲物會好似印度lassi一樣有乳酪嘅厚度同味道，但飲落係基乎冇乳酪味。市面上乳酪飲品好多，無論係現製定工廠流水線生產，呢一杯係我飲過之中最淡乳酪味。3. 奶昔奶昔嘅滑同基本厚度係做到嘅。但呢方面算係產品嘅基礎，所以冇加太多分。產品味道一般，未有拍照，賣相同其他人影嘅相差唔多。整體而言，如果你當佢係一杯水果奶昔，佢係合格嘅；但如果以酸奶做招徠，就略嫌貨不對辦。價錢喺太古城中心而言，未算去到最進取，同一杯咖啡差唔多錢。但如果我係喺嗰邊返開工，我會寧願拎啲錢去買杯咖啡提神。