四季常餐 (德輔道中)

营业中

休息中

先唔講食物，侍應姐姐的眼神何其堅定！你！幾位？一齊？安心出行！量體溫！無得坐一齊！一係3+2！一係4+1！分兩張！查實我都未來得切計數就要坐底！先向全體阿姐致敬！速度快如澳洲牛奶公司的大佬貢！呢個係香港茶記文化，阿姐跟到！掂啊！食物泥講都係中上水平，性價比都合理，沙牛麵、炒蛋、多士、叉燒通粉、火腿都係專業水平。唔覺意叫咗個海南雞飯雞都幾滑係好食㗎 ！所以後來食完都要買咗個外賣返屋企，買到返屋企都係滑嘅。杯奶茶都飲得過係唔錯嘅！總括嚟講中環想食返傳統茶記又有啲水平呢一間係可以去㗎！係咁先！