薪味坊 (已結業)

同事一直推介呢間，今日終於黎試下! 椰子雞煲 (半隻) - 3個女士食半隻就岩岩好，仲可以叫其他食物，滾起後就先每人飲一碗椰子雞湯，好香既椰子味，成個湯好甜! 湯仲加左杞子，再食埋d雞，真係女士既恩物! 但始終有雞，都有d油，不過侍應好好，主動幫我地隔油! 飲晒個湯後，侍應就會加水，再食其他火鍋料。 手切本地牛肉 - 一睇就知超新鮮，雪花均勻，只係灼幾秒就食得，好有肉味，又嫩! 炸響鈴、蛋餃、油麥菜 - 無乜特別，不過不失。