影片
更多
2007-07-22
4 浏览
札幌拉麵已經響香港好耐, 7年前有朋友帶我去食, 果時得1間響尖咀, 位置係利時對面。間舖都算細,食飯時間永遠full house, 果時既客有2/3係日本人(尤其係平日晚巿)~佢係我響香港食過最好既一間拉麵店, 但近年因為好少去尖咀, 所以都冇咩再光顧, 間唔中先會去下~近呢幾年, 札幌響全港開左好幾間, 其中一間對我黎講較就腳既, 就係沙田連城果間~因為我住響西貢, 有時貪方便又想食拉麵, 我會轉登搭程299去沙田市中心。沙田呢間開店初期, 食物品質都算keep到-- 唔知係咪心理作用, 總覺得同尖咀老店有少少分別~有成半年都有去沙田呢間幫襯過, 琴日去行“雪地掃把”,咁岩又係晚飯時間, 於是一行2人去左札幌~天氣咁熱, 最岩食冷麵, 於是我要左個冷麵, 朋友要左個套餐: 牛油拉麵(細) + 餃子~餃子先上, 朋友發現桌上既調味架冇左蒜泥, 於是問侍應姐姐去羅。朋友覺得好奇怪點解要收起, 我估可能唔係好岩香港人口味, 朋友認為將蒜泥收起, 豈不是更多人唔知有呢樣野? 食餃子冇蒜泥, 等於食多士唔加牛油, 總係有d遺憾~朋友既牛油拉麵先到, 佢一見到碗麵, 立即好無奈咁話: 賣相玩完
時既客有2/3係日本人(尤其係平日晚巿)~佢係我響香港食過最好既一間拉麵店, 但近年因為好少去尖咀, 所以都冇咩再光顧, 間唔
中先會去下~
近呢幾年, 札幌響全港開左好幾間, 其中一間對我黎講較就腳既, 就係沙田連城果間~因為我住響西貢, 有時貪方便又想食拉麵, 我
會轉登搭程299去沙田市中心。沙田呢間開店初期, 食物品質都算keep到-- 唔知係咪心理作用, 總覺得同尖咀老店有少少分別~
有成半年都有去沙田呢間幫襯過, 琴日去行“雪地掃把”,咁岩又係晚飯時間, 於是一行2人去左札幌~
天氣咁熱, 最岩食冷麵, 於是我要左個冷麵, 朋友要左個套餐: 牛油拉麵(細) + 餃子~
餃子先上, 朋友發現桌上既調味架冇左蒜泥, 於是問侍應姐姐去羅。朋友覺得好奇怪點解要收起, 我估可能唔係好岩香港人口味, 朋
友認為將蒜泥收起, 豈不是更多人唔知有呢樣野? 食餃子冇蒜泥, 等於食多士唔加牛油, 總係有d遺憾~
朋友既牛油拉麵先到, 佢一見到碗麵, 立即好無奈咁話: 賣相玩完! 的確, 果碗拉麵好似屋企煮出黎既餐蛋麵咁-- 一"pat"野!
跟住我安慰朋友: 算啦! 你睇水吧果幾位仁兄, 得個廿幾歲, 唔好要求咁高啦……
朋友一路食麵, 一路冇出聲, 冇耐我碗冷麵都到啦~侍應姐姐問: 要唔要芥辣? 我話要, 佢就羅左一碟黃色既半流質東西黎, 睇到我
同朋友睇到眼都凸埋! 我用筷子一試, 就同朋友講: 食熱狗果d黃芥黎架喎……我朋友又用筷子試下, 立即面都黑埋! 然後叫個侍應姐
姐黎, 問佢舖頭係咪得呢種黃芥? 侍應姐姐話係, 朋友就按住怒火, 同侍應姐姐講: 呢隻芥辣係用黎食熱狗架! 食拉麵應該用日本果
款黃芥……侍應姐姐一臉茫然: 下?……係呀……
侍應姐姐好無奈咁走開, 我就開動! 咦? 點解對筷子插唔落既?! 原來配料既下面, 有一層西生菜罩住d麵! 我掀開西生菜做成既“保
護罩”, 夾d麵食下……大鑊! 唔同我d味蕾有問題? 冇味既? 朋友問我碗麵掂唔掂, 我話: 可能天氣熱, 個人冇咩胃口,味覺有d怪……我
食唔到有味……
朋友換我碗麵黎食左一啖, 佢立即想發火! 我講笑話: 皇上, 請息怒呀……佢叫我食佢果碗, 佢食我果碗所謂既冷麵~ 其實, 佢都冇
咩點食, 只係不斷"了"碗麵, 每樣配料夾黎食下, 跟住居然夾起一張小小既塑膠薄膜!!!!!
我食朋友碗牛油拉麵, 發覺個麵同個湯同以前唔同晒, 塊叉燒又鞋又冇味, 我食左幾啖就放棄囉……
朋友見我停筷, 就起身話走~ 我奇怪, 點解唔叫侍應黎埋單, 佢解釋: 出舖面埋單! 佢冇資格行埋黎收我錢, 連茶餐廳都不如!
我同朋友講, 你咁激動都冇用, d人都唔會明, 只會覺得你呢個客麻煩~ 以後唔黎幫襯就算啦~
然後, 我同朋友決定要返去尖咀老店, 睇下當年既拉麵師傅同侍應姨姨仲響唔響度, 一定要將沙田店呢單野話比佢地知! 不過, 可能
佢地已經返左日本, 又可能佢地都已經知, 只係個名已經賣左出去, 都管唔到咁多啦……
张贴