御膳房 (已結業)

師傅我就從來都未黎過呢間食店, 但係師母黎過之後就話幾好, 所以早幾日黎左呢度食晚飯, 決定試一試佢, 睇下佢咩葫蘆賣咩藥!去到睇下有咩好食咩, 最後決定叫一個四人套餐, 而套餐有例湯, 蒸魚, 鮮枝竹魚滑菜苗, 鹵味雙拼, 粟子排骨煲, 另外再加多一碟海浙拼牛!先講下個例湯先, 例湯係粟米紅蘿蔔湯, 個湯煲得好清好甜, 唔肥冇味精, 好正; 蒸魚係一條咸水魚, 不過師傅我已經唔記得條魚叫咩名, 不過就覺得條魚鞋少少同埋腥少少, 一般啦; 鮮枝竹魚滑菜苗鮮枝竹係好新鮮, 但魚滑就好多骨碎, 一邊食一邊吐骨, 菜就要左皇帝菜, 皇帝菜係嫩, 都可以啦; 鹵味雙拼有鹵水鵝同埋魯肉, 鹵水鵝都幾肥下, 味道唔差, 不過就好韌下, 而魯肉就好多肥膏, 叫做爽口, 其實師傅覺得佢係爽口過頭比較韌, 麻麻地; 粟子排骨煲就好多栗子, 而栗子都算腍, 排骨就好腍好鬆好好味; 海浙拼牛牛好薄, 不過就咸少少, 送飯一流; 海浙又係爽口過頭比較韌, 呢樣就幾差喇!總括黎講食物質素唔算太特別, 唔算太出色, 師傅覺得全晚最正係個湯囉, 其他野就一般啦, 會唔會係套餐問題呢? 唔叫套餐會唔會好d呢? 但係環