御膳房 (已結業)

一行4人坐卡位望街景, 哈哈! 星期日的晚上不算多人, 約7成滿, 所以效率都好快, 我們叫了1) 潮式排骨, 亦即酸梅骨的, 甜甜酸酸的好開胃, 肉排多肉又夠淋, 第一好味2) 雜菇扒蔬菜, 好大碟, 好多雜菇3) 合桃帶子炒西芹, 好多帶子, 炒得ok4) 南瓜海中寶, 第二好食, 好濃的咖哩汁, 亦好多海鮮, 南瓜好入味.最後送的紅豆沙都好好, 起沙的, 真想食多碗呢!埋單每人$100, 開心的一餐飯.

上周中一天晚了下班，坐火車出到尖沙咀便即興致電幾位朋友一起吃晚飯，連一向婆媽的R君也爽快答應即刻趕來，我和另一人先會合再決定到倫敦廣場內的御膳房，六時半抵達時人客很稀少，不難找到一張靠窗的卡座，可腑瞰附近彌敦道及柯士甸道一帶的景色。我先瀏覽一下菜牌看看有甚麼菜式可選，人到齊了便叫了以下多味菜:1. 冬瓜盅 ($88) - 富然不能跟蓮香相比，份量夠四人食，但如些價錢水準已很滿意了2. 鹵牛拼海哲 ($28) - 唔錯！ 鹵牛唔會太乾身而太硬3, 古法酒糟蒸雞 酒味很淡但糯米的甜香味很重，加上金針、雲耳包在荷葉內清蒸，雞油都已卸去，雞肉變得很清，不油不膩比較合符健康之道4. 三餸特價餐 ($168): 紅鮪一條(約一斤重)、潮州拼盤和蒜蓉炒小棠菜 抵食! 味道合格。5. 花蟹粥一窩 ($68) - 一大窩份量夠四人用，但完全沒有蟹羔，唔夠香口整體環境唔錯、食物選擇很多，質量都不俗，位置又就腳，價錢又合理，日後必定會再去試埋其它菜式。

星期六陪老婆行公司,經過倫敦廣場,見呢間未食過就試下.兩點幾都好多人,要搭檯不過都無問題.唔係好餓只叫咗幾樣.柴鱼花生粥,粥底好杰兼幾多料,咸水角係即炸好熱但好多油,煎粟子糕同馬蹄糕差唔多,幾多粟子幾特別,义燒飽,不過不失,仲有一樣已經唔記得.水準普通不過價錢就好平,埋單都係$57,平到唔信.

原本訂左六人枱. 點知有二人有事唔來. 得四人所以我地就坐卡位我最愛看街景. 地方都好大. 當日都唔係太多人, 不過d 伙計都幾cool 仲好我地可以慢慢坐同傾偈!我地點左三個菜同四個菜膽翅:-$48 菜膽翅好足料! 都算低食鹵水拼盤要等好耐才到, 味道好一般酒槽蒸雞= 金針雲耳蒸雞唔多有酒味, 亦無荷葉味, 又無雞味d茨汁甚濃一品紅燒豆腐豆腐好滑, 不過唔知點解得四條菜心, 都唔知係咪我地得四個人所以得四條呢?有糖水送, 是日糖水係紅豆沙... 都唔錯喎.

與老公家人食團年飯(年廿九), 一行13人, 除了set餐外, 它還可以散叫, 咁就當然是散叫抵好多啦.整體食物水準中上, 各樣都好好食, 只是有一兩味偏咸(我本人覺得), 最讚是效率好快, 雖full哂, 但出菜仍好快, 服務都ok, 食完仲有紅豆沙送, 都好好味嫁.埋單只是$1,300, 好抵食!

今日一家人第一次o黎呢度食晏,叫左一個套餐(88蚊, 有得揀四個點心,一個小食/冷盤,同一個主菜) ,另外叫左一個拼盤($28), 桂花糕, 炸鵝肝千絲酥.$88蚊個餐好抵食,o係指定的點心list度揀四個,全部都係大點. 窩荀蝦餃唔錯,係個頂d皮過厚. 蘿蔔糕,奶黃流沙包同牛柏葉都ok ge~ 小食就要左炸九肚魚,熱辣辣又夠脆,份量適中. 蠔仔泡飯,大大窩咁,味道普通,唔多香,佰蠔仔都唔係少,但一諗到佢咁平,就即刻覺得味道係合理ge~拼盤,有雞,豬手,豆腐,腎. 全部都唔太入味, 係豆腐較有味,應該係因為佢放最底.下次應該唔會再叫炸鵝肝千絲酥...係唔知特點定頂點,$23.8,四件,炸得唔錯,食入口時唔會太油!桂花糕...好多杞子,有點過甜埋單$187.都幾抵.唯一不滿的是,個牛柏葉由一開始叫,等左成個鐘有多先o黎,雖然d部長侍應都好肯幫手跟,但始終都係咁耐,應該係送錯左去其他枱吧

師傅我就從來都未黎過呢間食店, 但係師母黎過之後就話幾好, 所以早幾日黎左呢度食晚飯, 決定試一試佢, 睇下佢咩葫蘆賣咩藥!去到睇下有咩好食咩, 最後決定叫一個四人套餐, 而套餐有例湯, 蒸魚, 鮮枝竹魚滑菜苗, 鹵味雙拼, 粟子排骨煲, 另外再加多一碟海浙拼牛!先講下個例湯先, 例湯係粟米紅蘿蔔湯, 個湯煲得好清好甜, 唔肥冇味精, 好正; 蒸魚係一條咸水魚, 不過師傅我已經唔記得條魚叫咩名, 不過就覺得條魚鞋少少同埋腥少少, 一般啦; 鮮枝竹魚滑菜苗鮮枝竹係好新鮮, 但魚滑就好多骨碎, 一邊食一邊吐骨, 菜就要左皇帝菜, 皇帝菜係嫩, 都可以啦; 鹵味雙拼有鹵水鵝同埋魯肉, 鹵水鵝都幾肥下, 味道唔差, 不過就好韌下, 而魯肉就好多肥膏, 叫做爽口, 其實師傅覺得佢係爽口過頭比較韌, 麻麻地; 粟子排骨煲就好多栗子, 而栗子都算腍, 排骨就好腍好鬆好好味; 海浙拼牛牛好薄, 不過就咸少少, 送飯一流; 海浙又係爽口過頭比較韌, 呢樣就幾差喇!總括黎講食物質素唔算太特別, 唔算太出色, 師傅覺得全晚最正係個湯囉, 其他野就一般啦, 會唔會係套餐問題呢? 唔叫套餐會唔會好d呢? 但係環

尋日係星期天,同朋友黎呢度飲茶,已經過左旺場午市時段,但係服務都令我好不滿!我地落左點心紙,叫左套餐,有粉麵有點心乜都有果d,但係等左大半個鐘都未有著落,於是催下又問下,得番黎個結果,竟然係叫我地再寫多一次點心紙!!!咁即係點?即係之前果張不翼而飛?我覺得有無搞錯!有個個樣似老闆的人係度,又唔交代喎,只係話叫我地寫多次,又有乜歉意咁,我咪話佢囉,點可以咁架!佢淨係識得話:"寫多次,好快到",激死!咁我地都無法啦!寫完過左大分鐘左右,開始有野到,跟住食食下,連續三次重覆黎點心,我地話d野已經到齊,個阿姐仲好似唔想走咁,又話:"到左?有無搞錯!"係連續三次喎!我覺得佢地落單好亂囉!平心而論,食物係ok架,幾好添!例奴個伊麵可以炒得唔油唔膩,係唔差架!但係咁既服務,食物點好,我都唔想再黎囉!

特別推介「糯米手撕雞」，糯米用黃酒/米酒煮過，好入味，雞亦好有雞味，唔似係雪藏。4個大人及1個小童，叫左4個菜，埋單$380。

星期六晚一行5人第一次來, 原來環境都幾企理, 裝修是新派的中菜格局, 有卡位亦有大圓桌.共叫了61湯, 全部都算中上水準, 份量亦足, 所以食唔哂, 加上有紅豆沙及西瓜送, 真是飽到上心口呀.埋單每人都是$105, 算經濟實惠啦.

噚晚同肥B,靚女C,F,I,食飯,我己經BOOK位,都要等半個鐘頭,可能近母親節啦,我叫合掌瓜煲唐排湯,湯好甜.又好似無乜味精.叫:蒜香雞,皮好趣,但隻雞好咸,同無蒜味,皇帝菜,味道有D似芹菜又有D似西芹,OK啦!波蘿咕嚕肉,麻麻,唔趣又唔酸,拼盤,有鵝片,炸蝦"祖",海"折".都幾豐富,味道唔錯,沙津海鮮合,呃錢,沙津還沙律(罐頭)一堆,海鮮合還海鮮合,口感唔好味,搵笨,咖喱南瓜海鮮"中"+萬頭,肥B話個味OK,我就覺得咸,我一致覺得萬頭點甜奶好味過點咖喱,總括講D唔算好難食,但一定唔叫好食,坐位坐都舒服,不過四周都幾嘈,服務都幾好.送甜品唔吸引,所以我最後走去九記食糖水!

睇過食評唔錯, 諗住試下啦, 點知....環境好嘈呀....可能是friday 的關係啦....而且仲會"催住" 埋單"tim"....幸好, D 食物都唔錯...價錢亦算合理!

地方舒服,傾計聚會唔錯,又唔嘈.食物方面都唔錯,唔貴,服務好,唔會成日同你執野麻住哂,個經理重主動送甜品,走時重問D食物好唔好,我話唔知個"口水雞"是辣,無食到浪費左.

很久之前來過一次，今次是第二次，一行八人試試現在這店的質素如何。可能是平日去食，所以不致於話好多人，座位與座位之間空間感足夠，環境幾舒服。八人坐落都幾滿意。本身一心想著來食之前食過一味叫明爐燒倉魚，可惜這味已經不存在。由於大家都肚饑，所以沒有細看特色的餸菜，只是點了個餐，一席就$1280，半席就$888，包加一汽水，我們八人就俾足八人份量，十分懂得做生意。食物方面有足十樣，其中有翅、拼盤及其他足份量的小菜，有炒飯及炒伊麵，又有桂花糕、糖水及果盤，好豐富及幾抵食。味道方面，除了個翅遜色一點外，其他都不俗，有點像去飲宴的菜色。如果家庭或朋友聚會，這地方都不錯。

5人行叫了一個4人午市套餐$128, 另加了三個點心, 套餐未有將貨就價而讓你覺得難食或用下價東西, 有上湯時蔬, 豉油雞, 幾別緻的點心餃, 茄子伊麵, 素菜包, 埋單共$168, 真的平, 可是不知為何午市卻不客滿, 飲食業難做可見一班.