影片
更多
2004-08-20
4 浏览
同六個朋友在這裡食飯，叫了魚翅龍蝦餐，六人價錢1200蚊，加多一人加二百一十蚊。一坐低望個餐牌好似幾多野食，所以就無異議，但食完就覺得幾唔掂。尋日星期四都滿座，看來條星光大道對這裡都有唔少幫助。不過有內地客的特色就是全店都咁煙霧瀰漫，怕閒煙味的要三思才幫襯。幾年不來，檯好像比以前擺得密了很多，加重二手煙的殺傷力。先來乳豬，件上，脆皮下盡是肥肉，令一眾女士望而略步，我就食多兩件，除較肥外味道過得去；桂林蝦仁是蜜豆馬蹄炒蝦仁，蝦仁都幾大隻，爽口得過份，應該是後期加工的成果。頭兩味算是成晚較為好的菜色。髮菜瑤柱甫茨汁又多又濃又厚，見了都怕，未吃過所以不能置評；蜜汁燒鱔有半條咁多，燒得皮脆，但鱔肉頗腥，泥味又重，吃了兩舊就沒有興趣了；竹笙雞絲翅比車品品的碗仔翅更少料，都有興趣知道其實今時今日仲有無人會喜歡吃這些無料的有味生粉水？個人而言食碗粟米魚肚羹，或來碗例湯仲好；蒜茸蒸龍蝦每人半隻，還搭一撮賣相麻麻的淥伊麵，龍蝦細細隻，應是十兩左右，肉質都不錯，吃了龍蝦，那些無味伊麵就大多剩下來；星斑幾細條，應該是一斤也未夠，蒸得也算不錯，肉質嫩滑；炸子雞只得五份二隻雞，份量雖少，味道都算過得去；最後就是
先來乳豬，件上，脆皮下盡是肥肉，令一眾女士望而略步，我就食多兩件，除較肥外味道過得去；桂林蝦仁是蜜豆馬蹄炒蝦仁，蝦仁都幾大隻，爽口得過份，應該是後期加工的成果。頭兩味算是成晚較為好的菜色。
髮菜瑤柱甫茨汁又多又濃又厚，見了都怕，未吃過所以不能置評；蜜汁燒鱔有半條咁多，燒得皮脆，但鱔肉頗腥，泥味又重，吃了兩舊就沒有興趣了；竹笙雞絲翅比車品品的碗仔翅更少料，都有興趣知道其實今時今日仲有無人會喜歡吃這些無料的有味生粉水？個人而言食碗粟米魚肚羹，或來碗例湯仲好；
蒜茸蒸龍蝦每人半隻，還搭一撮賣相麻麻的淥伊麵，龍蝦細細隻，應是十兩左右，肉質都不錯，吃了龍蝦，那些無味伊麵就大多剩下來；星斑幾細條，應該是一斤也未夠，蒸得也算不錯，肉質嫩滑；炸子雞只得五份二隻雞，份量雖少，味道都算過得去；
最後就是飯麵甜品同壽包，飯說是福如東海炒飯，其實是細細包的荷葉飯，仲唔係太熱。幾乾又無咩味道，明顯地是放了在蒸籠很久的；伊麵則份量頗大，唔知係唔係因為「14匙羹油」的報導而少左人食，所以少大碟一點出來，味道則不錯，不過就唔係好多人夠膽食，起碼女士們就停晒手；鮮果布甸其實只係芒果布甸，做成魚的形式，味道好麻麻，因為魚膠粉下得太多，硬身又唔覺有芒果味。
最後就是大家都有少許期待的東海壽包，以一蒸籠上，個個都好大件頭，但明顯的見到個個的手指印在包面，大大影響了賣相。搣開一看，包的外皮不夠鬆化，幾實；蓮蓉同包及蛋黃是明顯互不相干的3個個體，蛋黃是沁油，但內裡亦不鬆化。吃了幾啖，一致認為這個壽包除了份量十足外，在味道及賣相上是不太合格，亦令幾位對此有所期待的席上客大為失望。
埋單每人近三百，以份量計還可以，以食物質數計就物非所值。
张贴