意粉屋 (已結業)

遠征欣澳之後, 離開奇幻世界, 回到現實. 空著肚子出來, 半路已經好肚餓, 唯有係度晚餐再回家.平日要大排長龍, 是日抵達時已係九點幾, 無人等了. 始終不明白點解這店條龍那麼長? 當然, 又一城係選擇不多, 有幾間店又係想也不想進入的, 最後, 又返來吃意粉屋.兩個人, 夜市叫二人餐最抵, 都係$228一客, 就要滋味套餐C, 看看有幾滋味.蟹肉南瓜湯: 8分, 係真係有蟹肉係入面, 不稀場的, 南瓜味係清清的, 也幾好.珍寶熱鍋: 紅酒煨牛尾長通粉: 5分, 牛尾係不太入味的, 也不太淋, 紅酒汁的味道好像麻麻地, 也不太像平日吃開的感覺, 好像杰杰的, 長通粉係不太吸收到個汁的味道.超級什錦薄餅: 6分, 第三項的選擇不多, 只係得兩款薄餅中揀一款, 沒有意粉的選擇, 係意粉屋來講, 奇. 要了薄批, 但係一個普通批兩個人分, 真係少點食力也不行, 突然想起近日看到kkk兄同703A的雪糕大戰, 那真是有食力的表現. 小弟或許潛力未發揮到, 是晚吃完第二件已經幾飽, 第三件真係勉強捱下去. 當然, 水準不太高的食物, 也不值得勉強自己. 這薄餅面頭的料包括有意大利腸肉碎, 加拿