薪味坊 (已結業)

呢間薪味坊有台式雞煲，但係我哋怕太滋補，又怕味道接受唔到。最後叫咗比較大路嘅奇味雞煲，同平時食到嘅雞煲大同小異，上面鋪滿芫茜、大蔥、紫洋蔥，下面就係雞件。等佢煮滾之後侍應就會炒幾炒，將所有食材撈勻就食得，雞件表面蘸滿醬汁，雞皮唔肥唔瘦幾爽口，雞肉幾厚同幾嫩。辣度話就話中辣，實際上對啲食得辣嘅人嚟講就唔辣，不過都算惹味。雞煲可以加湯做火鍋，我哋就另外叫咗少少火鍋料嚟食，炸響鈴雖然係樹記出品，但始終唔係現炸，脆口度欠奉。去邊食雞煲都會叫紅薯粉嚟食，煙煙韌韌都唔錯。