錦日本料理 (已結業)

今晚有幸約了兩位靚女伴居士食飯暢談！女仕們怕熱氣，咁日本菜就無問題啦！淘大裡，這家日本料理都有咁多好評，就去幫襯下啦！點知……服務的質素真係高到無人有，而且侍應們似乎經驗尚淺，得罪客人的機會很高，點叫客人翻黎再幫襯……講完服務都係入正題！本居士都係個明事理的人，前台班侍應唔係好得，希望野食得可以補數！先來個刺身壽司定食同埋鍋燒烏冬！刺身和壽司都麻麻，周圍都食到那個水準，而個烏冬就唔錯，湯的味道和用料都不俗，加番少少分先！接著有友人點的「三文魚春卷」、「燒全魷魚」和「蟹子沙律」！春卷不俗，幾清新！加分！魷魚味道好，配薑絲很好味！又加分！沙律一般而且份量少了點！埋單300有找算係咁，不過服務的質素實在嚇到兩位靚女不願再幫襯了！