西沙茶座 (已結業)

星期日，周圍都要排隊，唯有去呢間。平時對呢間餐廳都好有信心，一入座，就有餐前小食。有碎炸米粉、花生、魚乾仔，但可惜又爛又漏氣。輪到睇餐牌，d價錢提高晒。叫左個青咖哩雞、蒜蓉薄餅、香蕉薄餅、濕炒雞河、菠蘿焗飯、燒豬頸肉。帶位果個阿姨最好招呼，落單完全唔係寫，靠記憶，好厲害。豬頸肉同薄餅最早到。豬頸肉算油，但食得落。薄餅太厚，已經唔係薄餅，係面包，但都每份$44。濕炒雞河太濕了，好似湯河咁。等左大約二十分鐘，個青咖喱同菠蘿焗飯好耐都咪黎。原來佢地係想等埋隔離果d，因為隔離檯都叫左。廣返個青咖喱，一d都冇咖喱應有嘅香味，水準急速下降！菠蘿焗飯有肉鬆、提子乾、臘腸topping。但d飯唔乾，太濕，淋晒。叫待應冇個聽到，十叫九唔應。總之呢間餐廳唔會再去，大失望。