Rerere1001日式串燒 (已結業)

嚟咗銅鑼灣，一心諗住搵間好食嘅串燒鋪，想OpenRice見到呢間嘅食評都話OK，就諗住去試吓，但係最後都好失望。兩個人叫咗五樣食物：燒牛脷、燒茄子、明太子雞柳、炸池魚、鐵板牛柳粒，飲品方面叫咗一杯白啤同一杯黑啤。味道上，燒完出嚟嘅肉都保持到肉汁，加上一啲醬料都味道唔錯，可惜最失望嘅係份量實在太少，價錢和份量一啲都唔成正比，一份茄子只有一小塊，明白可能餐廳位於大廈嘅高層，有景可以欣賞，但如果份量可以多少少，會更好。至於環境方面，雖然坐室內，但係都睇到室外嘅景，係一個黎放工傾下計放鬆下嘅好地方，而且環境總括來講都係大同坐得舒服，而且待應服務態度亦非常好，最後埋單兩個人大約$500，性價比比較低。