八幡屋日本料理 (已結業)

一行四人祈望美味的生日放題晚餐。雖然地方比較細，同前後枱都要背對背貼住坐，不過不緊要，最緊要食物質素可以。一坐低就點咗至愛的刺身及壽司……可能我哋無加$50升級，沒有賣相可言，三文魚及其它刺身都一般，但最怪是甜蝦居然是淡而無味 帆立貝壽司夠白淨又係無味，d飯一夾就散，軟殼蟹手卷隻蟹炸到好厚粉 再試串燒，燒蝦完全是霉的，冬菇似烚多過燒而且唔知點解會有沙(不是黑椒粒)，帆立貝細粒又有d霉，栗米比較似樣但有邊好燶，雞翼入咗3次單都漏，第四次先至追到返黎，可惜又係無心之作。到炸物心諗應該好d啩, 但炸到好油，蝦又是無味的全晚最得嘅就只有蕃薯，但似本地多d. 甜品尚可，但焦糖菠蘿之前睇的相好好多!另外，入坐時左手面是壽司bar但已嗅到有d腥味怪怪的，右手面是回收食物盤，食到中段時侍應生將收咗嘅碟倒落盤，突然一股強烈垃圾味湧出，真係有d想作嘔。可能人手短缺，我哋將d食剩用具叠高但都無人收。第一次食放題，食物及衛生環境都咁差，希望店主可以多加改善，用心製作!!