魂 (已結業)

見天氣開始轉凍，就想食一啲熱辣辣嘅嘢，所以我哋就揀咗黎呢度食拉麵啦！呢間餐廳都唔算好大，有卡位，亦都有單位，適合同朋友一齊黎或者想一個人靜靜地食一餐嘅朋友。呢間餐廳係用iPad點菜，可以一眼睇晒有啲咩食物好方便。可能因為係午餐嘅關係，所以有得揀嘅拉麵都唔係好多，但係可以加錢再加其他唔同嘅配菜。所以你碗拉麵都可以係好豐富！我就叫咗一碗魂拉麵。個湯底係豬骨湯，拉麵可以選軟硬度，都唔錯，軟硬適中。叉燒有一大塊，糖心蛋做得唔錯，好流心。仲有一大塊好脆既紫菜。個人覺得配料可以加埋粟米粒就更加完美啦！朋友就叫咗個太極拉麵。點解啲太極拉麵？呢一睇張圖就知啦！佢個湯底一邊係豬骨湯底，另外一邊係墨魚汁嘅湯底。好利害嘅地方係佢兩個湯唔會溝埋一齊，分得開兩只色。墨魚汁就咁飲嘅話都幾濃，有墨魚嘅味道。佢同魂拉麵唔同既地方除左湯底唔同外，仲有係叉燒上面有一舊金薄蟹膏，超濃超香！平時食拉麵嘅時候，見到個湯底係黑色嘅話多數都係黑蒜油味，但係呢一個係墨魚汁味，味道特別，而且唔會好似黑蒜油咁咁多油小食就叫左呢個八爪魚波波，新鮮炸起，所以熱辣辣，個皮有少少趣八爪魚波波好爽口，你會見到有一粒粒八爪魚。呢間拉麵整體上都唔錯，