影片
更多
2008-08-18
372 浏览
事緣心儀長洲看太平清醮有一段日子,而之前一天亦是接神的出巡儀式,反正是日day off,二話不說便拉了另一食友入長洲.試想想,由粉嶺要乘早班船,趕在十時之前到達(因為十時後全島戒殺生),差不多六時便要出門,好眼訓.....................原先並未有想過見証這令人難以忘記的一刻,但場面實在太震撼了.與食友信步而行,突然有股血醒味飄過,而幾個舖遠左右,見有位阿叔'拿'起條四,五條長門鱔,而地下竟然仲有百幾條大大小小,活生生既係地下的血水中孺動,只見手起刀落,切頭去內臟,幾下手勢又一條,同劏魚師傅講起,先知道全部門鱔都係用作製魚蛋,而且並唔似市區一d店舖,混入其他雜魚在內,黃門鱔成本唔平,但質數有保證,單就劏魚,已經花上個幾兩粒鐘.旁邊有位老婆婆見我倆咁有誠意,仲邀請入佢地工場.就係一間唔夠一百尺既房,只有三個人,先係一位阿姐去骨起肉,再由另一位阿哥用機器攪去表皮同將肉碎攪成肉漿,而皮就炸成炸魚皮,最後再由師傅將魚肉炸成魚條及魚蛋,過程一氣苛成,而當中有幾點是令我非常難忘的.首先同老婆婆講起,先知佢地出品只係賣一兩日就算,食物自然新鮮有保證,其次只選用門鱔作魚蛋,並唔會為求賺
試想想,由粉嶺要乘早班船,趕在十時之前到達(因為十時後全島戒殺生),差不多六時便要出門,好眼訓.....................
原先並未有想過見証這令人難以忘記的一刻,但場面實在太震撼了.
與食友信步而行,突然有股血醒味飄過,而幾個舖遠左右,見有位阿叔'拿'起條四,五條長門鱔,而地下竟然仲有百幾條大大小小,活生生既係地下的血水中孺動,只見手起刀落,切頭去內臟,幾下手勢又一條,同劏魚師傅講起,先知道全部門鱔都係用作製魚蛋,而且並唔似市區一d店舖,混入其他雜魚在內,黃門鱔成本唔平,但質數有保證,單就劏魚,已經花上個幾兩粒鐘.
旁邊有位老婆婆見我倆咁有誠意,仲邀請入佢地工場.
就係一間唔夠一百尺既房,只有三個人,先係一位阿姐去骨起肉,再由另一位阿哥用機器攪去表皮同將肉碎攪成肉漿,而皮就炸成炸魚皮,最後再由師傅將魚肉炸成魚條及魚蛋,過程一氣苛成,而當中有幾點是令我非常難忘的.
首先同老婆婆講起,先知佢地出品只係賣一兩日就算,食物自然新鮮有保證,其次只選用門鱔作魚蛋,並唔會為求賺錢,混入其他雜魚,好似九棍,牙帶之類,製作認真.
係參觀過程中,只見刮魚肉位阿姐,間中將一舊舊手掌咁大既魚肉扣起,我原先仲以為用黎加'餸,講起至知扣起部份係刮損左或者爛肉,而老板為求盡善盡美,就算増加成本都唔理,通通唔要,老實講,我真係有點愕然.
老一輩的人不單對自家出品有信心又執著,而且好客,順口便請我倆試食,不單是魚蛋,炸魚條更是一大片切出來,入口魚味濃郁芳香,竟然肉質不單彈牙更有肉汁在內,雖然感覺上有點咸,但用作放湯或是湯粉的佐料,又洽如其份.
不會以假當真,或是自吹自擂,黙黙地做好本份,所以值得大家支持!
张贴
